احكي لكم قصة غلا طفله صغيره شاطره

دخول


احكي لكم قصة غلا
طفله صغيره شاطره
دره ثمينه نادره
لما تشوف احد(ن) شكا
راحت عليه تأزره
ولما تشوف احد(ن) بكا
صارت عيونه ماطره
تكبر ويكبر طيبها
ولويييييين هو يمشيبها
صوب الهنا
ولا العنا
ولا العيون الكاسره
قصة غلا فيها وفا
فيها دفا
فيها من سنين اللقا
اللي بكت عقب الجفا
لما تقدم سنها
والوقت خيّب ضنها
طاحت غلا
وراحت غلا
ماكن لها صاحب ابد
ماكنها بدنيا ملا
تذكر غلا في صفها لآول سنه
كانت هنا
كانت عطت بسكوتها بالنصف لريام ومنى
وهي تناضر تبتسم
كنه تقول المنقسم
ماهو لنا
كبرت غلا وفي صفها السادس رست
اوااااااه ياكثر درست
ياكثر بين اصحابها شجره من الطيب غرست
حتى لفا سن الشباب
ساعة دلع عقبه عذاب
من واحد(ن) يطرا لها
ماخذ مساحة بالها
ياكثر ما توله عليه
كم تحتريه
كم رددت اسمه غلا
كم قالت اشتاق وابيه
وهو يقص اوصالها
تزعل غلا بسكاتها
كحله كسا دمعاتها
وهي تردد ليه ليه
تنضر دقايق هاتفه
عله يرن
عله يحن
عله وعله وانتهى وقته وسافر نومها
ليله غدى في يومها
وهي تحس اضلاعها تصرخ الم وتلومها
حست غلا في جرحها انه قوي
وان الغلا ماله خوي
ون الحبيب اللي غدى منها يشابه شالها
عزاه لك ياشاطره
ياللي بدمعك ماطره
ماعاد بالدنيا ولا
قولو لغلا
قولو لغلا
الغلا أجمل مشاعر نادره بين الخلايا
ماحدن يعرف سببها او حد(ن) يدرك مداها
هي مشاعر عاقبتها ياهدايا يارزايا
النفوس ابخس بضاعه كاسده لولا غلاها
يامشاعر قلبي اللي ضايعه بين الحنايا
انثره للي رجيته مير عافه من لقاها
بين صبري والتياعي وانصدامي بالنوايا
مثل ماتدنا جزور العيد من ساعة ضحاها
في وسط كل الخلايق مغترب محد(ن) معايا
والعيون اكبر ماسي حيرته ساعة مساها
اه يافعل الخيانه وش يسوي بي سوايا
صدمتي ماهي على اللي نالها ولا خذاها
صدمتي ليه النواضر تاركتني في عمايا
وين كان الشوف عنها وين غابت عن ضياها
مشكله لاصار اكبر حيلتك حرق الهدايا
ومشكله لا صارت احقر ذات نالت مبتغاها
ومشكله لا صار صمتك ثرثره بين الزوايا
لنت في حالة رضوخ الذات او لحضة عياها
ومشكله لاصار وجهك ينكسر دون المرايا
ثم يقسم لك حواسك دون ماتلقا هداها
اكبر جروح الزمن جرح(ن) ترك روحي ورايا
صرت كارّها واردد ما اباها ما اباها
خروج


ماتت غلا
وصيته من راسها
في حبر في كراسها
لحد(ن) يجي ويناضره
ولحد(ن) يكدر خاطره
وخطت بعد كلمة ..ولا
ماكملتها كفوفها
ماتت وهي بتشوفها
وانا توقته الولا
كلمة غلا
تعني ولا نحيا بغلا


بقلمي