يا مترفات الحقايق وين وجه المسار
مـدام يفـرض علينا غصب حتى الشعـر
دام وجه الحقيقه بالهجير أستجار
بين رمضى النفود وبين حر الجمر
والمعالم تعـــّرت دون أدنى خيار
يوم طاح القناع ومــْـل منه الصبر
لا تطعن الليـل ياسيـف الفجـر بالنهـار
حيل أعشق الليل تكفى ياسريع الفجـر
للحين للحين ماضميت باقي السمار
ولا تعّبثت فـي قصـة بدايـة هجـر
قلت أكتب البوح من نسج الشقا بعتبار
أن الذي كـان حدتـه السنيـن الفْجِـر
ياغربة الوقت .. يالهفـة حنيـن الديـار
غنيت لي جرح مايقبل حصار الحجـر
لا تنشد الريف عنـا والجفـاف أستخـار
مايعرف الاجر من يرجي سريع الآجـر
الخيَـار .. الخيَـار ولا بقالـي خيّـار
وش بقى من جذور آخر حقيقـة شجـر
كبرو أصغار العقول وظلم صغرو أكبار
والصـّـغـيـر على الشايب سمعتـه زجـر
والشبه ما يقـارب للشبـه وأستـدار
مرسوم لكن على سجع الغنـا والضجـر
(يا ..) المتعُب من الهم والا الحصار
حبل الايام لا زايد ولا هو يجر !
آبـوي شاعـر وأنـا ولـد حيـل بـار
ماواحـدن مننّـا فـي عـز نفسـه تجـر
أعذرني أن جيت وشعوري معي بختصار
الهـم لا زاد بصـدور الرجـال أنفجـر
الرمز آخر حـدودي ويتمخطـر وقـار
أتـخـيّـل أن كل مأبي حسرتين وفجـر
********
لشاعر الكبير / منصور الرويلي
واتمنى يروق لكم مانقلت
اختكم /غيداء(admin)
موضوع: مترفات الحقايق 
الخميس يوليو 12, 2012 6:33 pm