،
ياغلاي ، الشعر فيك بذمتي ماله مجال
................... يوم جيت انخاه فيك ايقول : ماني قدها
أختلط هزله بجزله .. من كثر مابك جمال
................... حاولت فيك الحروف وباح حسنك سدها
الرشاقه / واللباقه / والتغنج / والدلال
................... تبني افكار القصيد .. وثم تشتم جدها ..!!
والشقاوه / والحلاوه / والتغلي بالوصال ..!
................... تقصر حبال الخيال ومن وفاك .. تمدها ..!
كل ماتبعد هجوس الوصف تزهمها تعال ..!
................... من عذر صبر القريحه .. يوم تاصل حدها
من كثر مابك انوثه .. لاتلومين الرجال
................... كل من صرتي بنفسه لافتكرني .. صدها ..
ولا تلومي من تحس بنقصها جنب الكمال
................... يوم خلاها .. قهرها منك .. تفرك خدها ...!
مالهن حيلة مع اللي تملكين من الخصال
................... والله لتبطي حروفي .. لو بغيت اعدها ...!
في عيونك يستطاب الموت وايهون المحال
................... كلمتك ( ياعين ابويه ).. دوك عيني ردها ..!
وكان عيني ماتسدك لايردك باي حال
................... اطلبي روحي .. تجي لك .. ودها ماودها ...!
هذي طبوع الشمالي لاعشق عشقه خبال
................... مايفرق بالمصاعب .. جزرها .. من مدها ..!
الجواب اللي تبينه يبرك لحمل السؤال
................... اتركي هزل البيوت .. وهاك مني جدها ...!!
مابقى للشعر فيك بذمة ابياتي .. مجال
................... كل مـ اكتب فيك بيت .. يقول : ماني قدها ...!
موضوع: كل ماكتب فيك بيت يقول ماني قدها 
الأحد يوليو 15, 2012 6:45 pm