العيد على الابواب

أعتقد أكثر كلمه تتداول هاليومين من بعد صلاة التراويح هي " السوق "

و 98% من الشعب السعودي لازم يكون له حته << يعني نزله للسوق والسبب أغراض العيد سواء رجال او نساء

فكرة الموضوع هي أننا نتكلم عن اغراض العيد ونزلاتنا للسوق

ووش ناوين نشتري للعيد أو وش شرينا

خلوني افصل وأنتم تلبسون قصدي أحدد النقاط اللي يتكلمون عنها الشباب

والنقاط اللي يتكلمون عنها البنات عشان مايصير إختلاط

بالنسبة للشباب :

- تفصيل الثياب ( وين فصلت ملابس العيد , اسم القماش اذا متوفر , نظرتك للأسعار , تفضل الثوب كبك والا ساده )

- الشماغ ( تحب الشماغ والا الغتره , ماركتك المفضله اللي شريتها للعيد , و تلبسه بمرزاب وإلا بدون )

- العطور ( عطرك اللي شريته للعيد , تحب المركز والا الخفيف , من هواة العود والبخور والا العطور الفرنسيه )

- الاحذيه ( تفضل الحذاء والا الجزمه ووش شريت للعيد , لونك المفضل , تحبها ماركه والا اي شي يناسب وبس )

- الملابس الداخليه والعقال بعد ياليت نعطيه نصيبه

- الاكسسوارات ( خاتم , ساعه , نظاره ,مسبحه , كبك ) وش شريت من انواع وهل تحرص على تجديدها في العيد .

يعني هذي اكثر المحاور بالنسبه للشباب

أما النساء فأعتقد هم اللي يبون يقلبون هالموضوع بيتزا

ماراح ادخل في تفاصيل لكن بقول كل وحده تتكلم عن وش شرت ووش شافت بالسوق

ووش ناويه عليه من ماركات ونظرتها طبعا للموضه النسائيه في العيد بوجه عام

سواء ملابس او اكسسوارات او عطور او جزم أو حتى شنط ولاتنسين الشباصات

ولايهون الميك أب والماكيير والبدي كير ... الخ

والله يستر لايايقلب الموضوع هواش كل وحده تقول فستاني احلى

= = = = = = = = = =

اعتقد هدف الموضوع واضح وهو الترويح عن النفس اولا وأخيرا
والاستفاده من خبرات بعض في العيد
خصوصا بعض الشباب والبنات مايهتمون بمظهرهم الا في العيد
والادهى والامر ان بعضهم مايتروش الا بهالعيد خخخ تروشية العيد الكبير